На цртежот е прикажан Нетанјаху како носи боксерски ракавици и го оперира сопствениот стомак, со засек во форма на Појасот Газа. „Жители на Газа, излезете веднаш“, пишува во пораката на цртежот.
Дел од јавноста протолкувала дека цртежот е всушност упатување на Шекспировиот трговец од Венеција, односно на еврејскиот лихвар Шајлок, од споменатото дело, кој бара „фунта (половина килограм) месо“. Бел тврди дека бил инспириран од цртан филм на американскиот претседател Линдон Џонсон од 1960-тите.
На X, тој изјави дека го испратил цртежот претходно овој месец и „четири часа подоцна добил застрашувачки телефонски повик со чудно криптичната порака „килограм месо“. Лихварот Шајлок од Шекспировиот „Венецијански трговец“ се смета за еден од најозлогласените еврејски стереотипи во англиската литература, поради неговата алчна природа.
Во познатата драма, Шајлок бара една фунта од месото на Ентони доколку заемот не се врати во рок од три месеци. Бел изјави за Би-Би-Си дека толкувањето на Гардијан „нема смисла, бидејќи цртежот не ја спомнува претставата“. „Самата слика е инспирирана од цртаниот филм на покојниот великан Дејвид Левин, на кого претседателот Линдон Џонсон му ја покажува неговата хируршка лузна, која Левин ја црта во облик на карта на Виетнам“, објаснил тој.
Одлуката ја објави и Гардијан. „Одлуката е донесена да не се продолжи договорот со Стив Бел. Карикатурите на Стив Бел беа важен дел од „Гардијан“ во последните 40 години – му благодариме и му посакуваме добро“, велат тие. Патем, одлуката е донесена во време на зголемени тензии по нападите на Хамас врз Израел претходно овој месец и последователните одмазднички напади врз Газа.
Ова не е прв пат Бел да биде обвинет за создавање антисемитски слики. Цртежот од 2020 година на кој лидерот на лабуристите Сер Кир Стармер ја држи главата на поранешниот шеф Џереми Корбин на чинија, некои го протолкуваа како упатување на главата на Јован Крстител, која ѝ беше дадена на Саломе, ќерката на еврејскиот крал Ирод.
