Пет грчки острови се под „многу висок ризик“ од пожари, со ниво на опасност од 4, според прогнозите на Противпожарната служба и картата на Министерството за климатски промени и цивилна заштита на Грција, пишува веб-страницата KeepTalkingGreece.
Останатите острови низ целата земја се означени како „висок ризик“ и ниво на опасност 3.
Региони со ниво на опасност 4 ги вклучуваат островите Самос, Икарија, Хиос, Псара, Лезвос.
Региони со ниво на опасност 3 се Атика, Виотија, Евија, Коринт, Арголис, области во Фтиотис, области во Еврос и речиси сите острови во земјата.
Предвидувањата на метеоролозите за северните ветрови во август, познати како „мелтемија“, се покажаа точни и воздушните струи започнаа во вторник, 8 август. Ладните ветрови помагаат во ублажување на топлината, но го отежнуваат гаснењето на пожарот.
