Во кајмак произведен во млекарница во Виена со која раководел директор роден во Србија, пронајдена е смртоносна бактерија од која 5 лица починале, а уште 6 се разболеле.
Поранешниот директор на млекарницата Глогниц во Виена е обвинет за убиство од небрежност. Во периодот помеѓу 2020 и 2022 година, наводно во млекарницата се појавила смртоносна бактерија. 5 лица починале од инфекцијата, а уште 6 се разболеле. Меѓу болните имало и бебе кое од раѓање боледува од листериоза, а девојче преживеало фатална сепса, пренесува Космо.
Судењето започна во септември 2023 година според изјавите на сведоците, кои укажаа на ужасните услови во фабриката за сирење – имало стаорци и се чувствувало непријатен мирис. Покрај низата дефекти за одржување, утврдено е и дека вработените не поминале соодветна обука и дека возилата за испорака не биле соодветно ладени.
Експертите во текот на постапката откриле дека кај пациентите била пронајдена бактеријата листерија, која била пронајдена и во српскиот кајмак произведен во млекарницата Глогниц.
-Нема сомнеж дека овие примероци потекнуваат од истиот извор – вели експертот, додавајќи дека сигурно имало повеќе пациенти, но тие не биле идентификувани поради поблаги симптоми.
Поранешниот директор на мчлекарницата во Виена изрази жалење за тоа што се лучило.
– Најтрагичното нешто во овој случај се луѓето кои повеќе не се со нас. Без разлика дали сум виновен или не, тоа е најлошото нешто што можеше да се случи. Многу ми е жал – рече тој.
