СДСМ одржува интензивна комуникација со косовскиот лидер, со цел да ја искомпромитира неговата релација со албанската опозиција, тврдат познавачи на приликите во албанскиот политички блок.
Информацијата за обид на атентат врз косовскиот лидер Албин Курти за време на посетата на Скопје била спин, тврди Александар Николоски, потпретседател на ВМРО-ДПМНЕ.
– Кога беше во Скопје, излезе информација дека имало обид за атентат. Тоа е целосно неточна информација, МВР ја демантираше. Но, тоа е договорен спин помеѓу СДСМ и владата на Косово со цел дефокус од проблемите во Македонија и кревање на рејтингот на владата на Косово. Повторувам, ова е договорен спин кој за нивна несреќа беше брзо разобличен – изјави Николоски во емисијата „Заспиј ако можеш“ на телевизија Алфа.
