Американските медиуми пишуваат дека најдобриот кошаркар на Филаделфија, Џоел Ембид, нема да игра до крајот на актуелната сезона. Ембид го повреди менискусот на левото колено на мечот со Голден стејт, а дополнителните тестови покажаа сериозно оштетување, поради што ќе биде надвор од терените. Медицинскиот штаб на Филаделфија и 29-годишниот кошаркар во моментов размислуваат за две опции: одмор или операција.
Доколку замине на операција, Ембид дефинитивно ќе испадне од трката за најкорисен играч во лигата (МВП).
