рачкиот регулатор за медиуми денеска им нареди на сите медиуми да престанат да го користат зборот „хомосексуалност“ и наместо тоа да го користат терминот „сексуална девијација“, објави регулаторот.
Ирачката Комисија за комуникации и медиуми соопшти дека исто така е забрането да се користи терминот „род“. На сите лиценцирани телефонски и интернет компании им е забрането да ги користат овие изрази во која било од мобилните апликации, пренесе Ројтерс.
Ирак експлицитно не ги криминализираше хомосексуалните односи, но моралните клаузули во кривичниот законик се користат против ЛГБТ заедницата.
Големите ирачки партии ги засилија критиките на сметка на ЛГБТ правата во последните два месеци, а знамињата со виножито редовно се палат на протестите на шиитските муслимански фракции како одговор на неодамнешното палење на Куранот во Шведска и Данска.
Повеќе од шеесет земји во светот ги криминализираат хомосексуалните односи, а повеќе од 130 земји ги дозволуваат, според веб-страницата Аур ворлд ин дејта
