Лидерот на Алијансата за иднината на Косово, Рамуш Харадинај им се заблагодари на претставниците на Комитетот за надворешни работи кои го потпишаа писмото упатено до високите претставници на САД, ЕУ и Велика Британија во знак на поддршка за Косово.
Харадинај на Фејсбук изјави дека писмото покажува дека определбата на Косово е евроатлантска.
,,Нашите достигнувања досега како земја се благодарение на помошта и координацијата со нашите сојузници, особено со САД. Овој чин е печат дека Косово е евроатлантски и дека таа посветеност ќе биде трајна“, нагласи Харадинај.
