Еден од најтрофејните бугарски клубови, Левски од Софија, направи голем чекор напред кон пласман во третото коло од квалификациите на Конференциската лига, откако славеше со 0-2 во Скопје против Шкупи.
Тренерот на гостите, Николај Костов, ја коментираше победата против Шкупи во Скопје.
„Имаше борба од првата до последната минута, исклучително тешка и исцрпувачка средба за нашиот тим. Заслужено победивме. Имав чувство во еден момент дека сме непобедливи. Не беше идејата да се игра таков фудбал. Драго ми е што победивме, резултатот е исто така добар. Стекнуваме самодоверба, се надевам дека нема да престанеме да победуваме.
Очекувам дека ќе бидеме многу сериозни во реваншот. Во модерниот фудбал се случуваат неверојатни пресврти и мора да се подготвиме што е можно подобро“, рече Костов.
Македонските клубови имаат катастрофален биланс против бугарските клубови во евро-куповите и на Шкупи ќе му треба подвиг за пласман во следната рунда.
